“İki il əvvəl Türkiyənin Ermənistana qarşı tələblər qoyduğu aydın idi”.

KONKRET.az xəbər verir ki, bu fikri erməni politoloq Stepan Danielyan səsləndirib.

O, həmin tələbləri aşağıdakı ardıcıllıqla sadalayıb:

– Qarabağdan imtina,

– Ermənistanın nəzarəti olmadan Zəngəzur dəhlizinin təmin edilməsi;

– Konstitusiyaya dəyişiklik etmək;

– gerbi dəyişdirmək və Ağrı dağının şəklini silmək,

– “Erməni Soyqırımı”nın tanınması prosesindən imtina etmək;

– “Erməni soyqırımı qurbanları”nın xatirəsinə ucaldılmış abidənin sökülməsi;

– məktəb dərsliklərinin redaktəsi,

– Məktəblərdə icbari fənnin – türk dilinin tətbiqi.

Erməni politoloq əlavə edib ki, hazırki hakimiyyət addım-addım bu planları həyata keçirir.

“Dünən Paşinyanın gerblə bağlı çıxışı, ondan əvvəl isə Ağrı dağı ilə bağlı fəlsəfi müzakirələri təsadüfi deyildi. Növbəti fəlsəfi çıxışımız soyqırımla bağlı olacaq”, – deyə Stepan Danielyan əlavə edib.

Günel Mikayılova,

KONKRET.az