Göygöl Rayon Prokurorluğu 20 yaşlı gəncin öldürülməsi ilə bağlı məlumat yayıb.

Prokurorluqdan KONKRET.az-a daxil olan məlumatda deyilir:

“Fevralın 15-də saat 22 radələrində Göygöl rayonu ərazisində 2002-ci il təvəllüdlü Cavidan Məmmədovun öldürülməsi faktı ilə bağlı rayon prokurorluğuna məlumat daxil olub.

Aparılmış araşdırmalarla zərərçəkmişin tanışı 1999-cu il təvəllüdlü Cəlal Apiyevin şəxsi münasibətlər zəminində aralarında yaranmış münaqişə zamanı Cavidan Məmmədova çoxsaylı bıçaq xəsarətləri yetirərək onu qəsdən öldürməsinə əsaslı şübhələr müəyyən edilib.

Faktla bağlı Göygöl Rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.

Cəlal Apiyev şübhəli şəxs qismində tutularaq istintaqa cəlb edilib.

Hazırda cinayət işi üzrə istintaq davam edir”.

***

09:36
Göygöldə qətl hadisəsi törədilib.

KONKRET.az xəbər verir ki, 1997-ci il təvəllüdlü Cəlal Apiyev 2002-ci il təvəllüdlü Cavid Məmmədovu bıçaqlayıb.

4 bıçaq zərbəsi alan 20 yaşlı gənc xəstəxanada ölüb.

Faktla bağlı araşdırma aparılır.