Gürcüstanın baş naziri İrakli Qaribaşvili Avropa İttifaqının (Aİ) ölkəsinə namizəd statusu verməsi ilə bağlı açıqlama verib.

KONKRET.az-ın məlumatına görə, o bildirib ki, Gürcüstan bu gündən Avropa dövlətidir.

Hökumət olaraq xüsusilə 2012-ci ildən Gürcüstanın Aİ-yə inteqrasiyası istiqamətində ciddi səylər göstərdiklərini xatırladan Qaribaşvili bu uğurun gürcü xalqına məxsus olduğunu bildirib.

Qaribaşvili ictimaiyyəti Aİ-nin qərarını qeyd etmək üçün sabah Tbilisidə Azadlıq meydanında keçiriləcək bayram tədbirinə dəvət edib.