Türkiyənin yeni XİN rəhbəri Hakan Fidan ölkənin Milli Kəşfiyyat Təşkilatının (MİT) rəhbəri vəzifəsini İbrahim Kalına təhvil verib.

KONKRET.az xəbər verir ki, bu barədə məlumatı H.Fidan öz rəsmi tviter hesabında paylaşıb.

O, ölkənin XİN rəhbəri təyin olunmasına görə ölkə Prezidenti Rəcəb Tayyib Ərdoğana bir daha minnətdarlığını bildirib.

Qeyd edək ki, bu, Hakan Fidanın XİN rəhbəri olaraq ilk paylaşımı olub.

Onu da xatırladaq ki, H.Fidan iyunun 5-i Mövlud Çavuşoğludan ölkənin XİN rəhbəri vəzifəsini təhvil alıb. 2014-cü il dekabrın 11-dən Türkiyə Prezidentinin sözçüsü vəzifəsində çalışan Kalın isə MİT rəhbəri təyin edilib.