İsmayıllının Buynuz kəndində Xocalı hadisələrinə həsr olunan film çəkilir.

KONKRET.az Publika.az-a istinadən xəbər verir ki, ekran işi qarlı-şaxtalı hava şəraitində çəkilir. Çəkilişlər üçün Buynuz, Qurbanəfəndi kəndlərinə 3 ədəd PDM (Piyada Döyüş Maşını) gətirilib.

Kino çəkilişi kənd sakinləri arasında böyük maraqla qarşılanıb. Dağın, meşənin ətəklərində baş tutan çəkilişlərin kütləvi səhnələrində kənd sakinləri rol alacaq. Onlar erməni silahlılarının min bir işgəncə ilə öldürdüyü, əsir götürdüyü xocalıları canlandıracaqlar.