Hindistanın şimalındakı Himaçal Pradeş ştatında yağan güclü leysan yağışları nəticəsində baş verən daşqın və sel fəlakətlərində azı 16 nəfər ölüb, 2 nəfər də xəsarət alıb.
KONKRET.az xarici mediaya istinadla xəbər verir ki, daşqınlar ştatın üç bölgəsinə ziyan vurub. Çamba bölgəsində 2, Kullu bölgəsində 4, Lahaul-Spitidə 10 nəfər ölüb.
Hindistanda musson mövsümü başlayıb. Leysan yağışlarının səbəb olduğu daşqınlar və bədbəxt hadisələr barədə məlumatlar ölkənin müxtəlif yerlərindən eşidilir. Ölkənin qərb ştatı olan Maharaştrada ötən həftə 190-dan çox insan ölüb.