“Ermənistan hökuməti ölkədəki tələbələrin qonşu ölkələrin dillərindən birini öyrənməsi layihəsini təsdiqləyib və ölkədə fars dilinə maraq xeyli artıb”.

KONKRET.az xəbər verir ki, bunu İranın Ermənistandakı səfiri Mehdi Sobhani iki ölkə arasında mədəniyyət və turizm sahəsində əməkdaşlıqdan danışarkən deyib.

Səfir Sobhani turizm sahəsində mühüm üstünlüklərdən birinin iki ölkə arasında viza rejiminin olmaması olduğunu və bunun iki ölkə vətəndaşlarının gediş-gəlişini asanlaşdırdığını vurğulayıb. “Ötən il İrana 161 min erməni səfər edib. Həmçinin müalicə və sağlamlıq turizmi sahəsində müəyyən nailiyyətlərimiz var. Çoxlu sayda erməni müalicə üçün İrana gəlir və biz onlara ölkədəki xarici turistlərə xidmət göstərə biləcək xəstəxanaların siyahısını təqdim etmişik”, – deyə səfir bildirib.

İki ölkə arasında təhsil və mədəniyyət sahəsində əməkdaşlıqdan danışan Mehdi Sobhani qeyd edib ki, təhsil sahəsində əldə olunan böyük nailiyyətlərdən biri də Ermənistanda fars dilinə marağın xeyli artmasıdır ölkə.

Fars dilinin tədris olunduğu 19 məktəbimiz var, 3000 şagird fars dilini öyrənir. “Səadi” Fondu və İranın mədəniyyət mərkəzləri ilə birlikdə biz lazımi kitablar və tədris ləvazimatları ilə təmin etmişik, həmçinin fars dili müəllimlərini Ermənistana göndərmişik”, – deyə səfir qeyd edib.

Natiq Səlim,

KONKRET.az