Dekabrın 17-si axşam saatlarında Kərəc şəhərindəki həbsxanada məhbuslarla nəzarətçilər arasında qarşıdurma baş verib.

KONKRET.az xəbər verir ki, həbsxanaya xüsusi təyinatlı qüvvələr yeridilib.

Qarşıdurma nəticəsində bir məhbus öldürülüb, 100-ə yaxın məhbus yaralanıb.

İran İnsan Haqları Təşkilatının verdiyi məlumata görə, qarşıdurmaya həbsxanada saxlanılan edam cəzasına məhkum edilmiş məhbusların hökmün icrasının sürətləndirilməsinə qarşı etirazları səbəb olub.