Sistan-Bəlucistan əyalətində İran ordusu ilə naməlum silahlı qruplaşma arasında qarşıdurma baş verib.

KONKRET.az xəbər verir ki, qarşıdurma zamanı İran ordusunun bir hərbçisi həlak olub.

Məlumata görə, hadisə dekabrın 15-də sərhəd keçid məntəqəsində baş verib. Bölgədə reyd keçirən iran sərhədçiləri silahlı qruplaşmanın üzvləri ilə üz-üzə gəliblər. Nəticədə hər iki tərəf arasında atışma olub.

Bildirilib ki, atışma zamanı bir iranlı sərhədçi aldığı güllə yarasından hadisə yerində həyatını itirib. Naməlum silahlıları hadisə yerindən qaça biliblər.