Bu gecə İranın Məşhəd şəhərində kamikadze tipli dronlarla hücum həyata keçirildiyi iddia edilir.

KONKRET.az xəbər verir ki, hücum nəticəsində şəhərin bir neçə rayonunda partlayış səsləri eşidilib və əhali arasında təşviş yaranıb.

Hadisənin səbəbləri və dəqiq nəticələri barədə rəsmi açıqlama hələ verilməyib. Lakin yerli mənbələr dron hücumunun şəhər infrastrukturu və təhlükəsizlik obyektlərinə yönəldiyini bildirirlər. İran rəsmiləri və təhlükəsizlik qüvvələri vəziyyətə nəzarət üçün səfərbər olunub.

Məşhəd İranda mühüm sənaye və dini mərkəz kimi tanınır və belə bir hücumun regionda gərginliyi artıracağı ehtimal edilir. Hücumun kim tərəfindən təşkil olunduğu və məqsədləri barədə hələlik dəqiq məlumat yoxdur.

Müşviq Tofiqoğlu

KONKRET.az