İsrail təhlükəsizlik qüvvələri Şərqi Qüdsdə çalışan “Anadolu” Agentliyinin fotomüxbiri Mustafa Harufu vəhşicəsinə döyüblər.

KONKRET.az xəbər verir ki, müxbir vəzifəsini yerinə yetirərkən hücuma məruz qalıb.

Jurnalist xəstəxanaya yerləşdirilib.

Hadisə türkiyəli jurnalist “Əl-Əqsa” məscidi yaxınlığındakı Vadi əl-Cəuz bölgəsində namaz qılmaq üçün toplaşan bir qrup fələstinlini lentə alarkən baş verib.

İsrail polisi bölgədə maneələr qurub. Polis əvvəlcə Harufa silah tuşlayıb, sonra onu yerə yıxaraq təpikləməyə başlayıb.

Müxbir üzündən ağır xəsarətlər alıb. O, Şərqi Qüdsdəki Maqasid xəstəxanasına yerləşdirilib.

Polis Harufun yanında olan operator Faiz Əbu Rumailəyə də hücum edib.