“Ukrayna Silahlı Qüvvələri mülki şəxslərlə birlikdə Rusiya şəhərlərinə hücumları davam etdirməlidir, çünki İsrail təcrübəsi göstərir ki, bu cür bombardmanların təsiri var”.

KONKRET.az xarici mediaya istinadən xəbər verir ki, bu barədə İsrailin istefada olan zabiti Yiqal Levin Radio NV-də bildirib.

“Hansı dərsləri öyrənə bilərsiniz? Yırtıcı olmaq lazımdır, onlar qurbanlara deyil, yırtıcılara sərmayə qoyurlar, qurbanlar üçün ağlayırlar. Haqq, nümayiş, qınanma, terrorçu adlandırma və s. Yaxşı, bir vaxtlar Qolda Meir çox düzgün demişdi ki, yas tutmaqdansa, etiraz notaları almaq, amma sağ qalmaq daha yaxşıdır. Bu, öyrənilə biləcək bir dərsdir və mənə elə gəlir ki, Ukrayna bu dərsi öyrənir, biz təfərrüatlara varmayacağıq, amma məndə belə bir hiss var ki, haqlıyam”, – deyə Levin üstüörtülü şəkildə Ukrayna Ordusunu tərifləyib.

“Mən daim deyirdim ki, müharibə düşmən ərazisinə keçirilməlidir. Yaxşı ki, bu baş verir. Müharibə Ukraynada yox, orada getməlidir. Qoy onların şəhərləri yerlə-yeksan olsun, milyonlarla vətəndaşı qaçsın, infrastrukturları, obyektləri və s. məhv olsun, oradakı insanlar dəhşətdən qışqırsınlar, özlərini pis hiss etsinlər”.

Qeyd edək ki, Levinin 10 yaşı olanda ailəsi Odessadan mühacirət edib. İsraildə o, baş leytenant rütbəsinə qədər yüksəlib, Qəzza zolağında və Livanda döyüş əməliyyatlarında iştirak edib. 2019-cu ildə o, Ukraynaya qayıdıb, burada hərbi analitik kimi fəaliyyət göstərir və Rusiya əleyhinə bloq yazır.

Natiq Səlim,

KONKRET.az