İstanbulda Media Koordinasiya Komitəsinin ilk iclası keçiriləcəkbackend

İstanbulda Media Koordinasiya Komitəsinin ilk iclası keçiriləcək

İyun ayında İstanbulda Media Koordinasiya Komitəsinin ilk iclası keçiriləcək.

KONKRET.az xəbər verir ki, bunu Mediatürk.tv-ə açıqlamasında Türk Şurasının baş katibinin müavini Qismət Gözəlov bildirib.

Qurum rəsmisi əvvəlki toplantılardan fərqli olaraq bu dəfə təkcə dövlət media qurumlarının deyil, özəl qurumların da iştirakının vacibliyini vurğulayıb. O qeyd edib ki, bu hal Türk Şurası üçün çox önəmlidir.

Baş katib müavini bu istiqamətdə, xüsusilə, türk dünyasının daha da yaxınlaşması üçün Mediaturk.Tv-nin böyük rol oynayacağına da ümid etdiyini deyib.

Media Koordinasiya Komitəsi Türk Şurasının informasiya və media üzrə məsul nazirlərinin Bakıda keçirilən sonuncu toplantısında yaradılıb. Komitənin yaradılmasında məqsəd isə Türk Şurası çərçivəsində media sahəsində əməkdaşlığı daha da institutlaşdırmaq və sistemləşdirməkdir.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*