Çeçenistan rəhbəri Ramzan Kadırovun 17 yaşlı oğlu Adam Kadırov son 10 gün ərzində iki müxtəlif medal alıb. O, Rusiya Milli Qvardiyasının inkişafında “xüsusi xidmətlərinə görə” “Axmat-Krepost” medalı ilə təltif olunub.

KONKRET.az xəbər verir ki, məlumata görə, mükafatı ona “Axmat-Krepost” xüsusi təyinatlı dəstəsinin komandiri Əbdülkərim Kadırov təqdim edib.

Xatırladaq ki, bundan öncə – mayın 12-də Adam Kadırov “Axmat-Qroznıy” xüsusi təyinatlı dəstəsinin yaradılmasının 25 illiyi münasibətilə yubiley medalı ilə də mükafatlandırılmışdı.

Natiq Səlim,
KONKRET.az