Portuqaliyalı futbolçu Kriştiano Ronaldo Səudiyyə Ərəbistanının “Əl-Nəsr” klubu ilə müqavilə bağlaya bilər.
KONKRET.az xəbər verir ki, futbolçu yaxın vaxtlarda Ər-Riyada yollanacaq. Ronaldonun müqaviləsi 2030-da bitəcək.
Oyunçu kimi 2 il 6 ay forma geyinəcək Kriştiano daha sonra Səudiyyə Ərəbistanının 2030 Dünya Çempionatına ev sahibliyi etməsi üçün səfir kimi çalışacaq.
Daha əvvəl yayılan xəbərə görə, Kriştiano Ronaldo adıçəkilən kluba 2 ilə 200 milyon avro qazanmaq şərtilə gedəcəkdi. Lakin ulduz futbolçu informasiyanı təkzib etmişdi.
Natiq Səlim,
KONKRET.az