Lənkəranda yük avtomobili minik avtomobili ilə toqquşub.
KONKRET.az apa-ya istinadla xəbər verir ki, hadisə köhnə Ələt-Astara magistralının 207-ci km-də, Lənkəran rayonunun Gərmətük qəsəbə ərazisində qeydə alınıb. Hərəkətdə olan “Ford” markalı yük avtomobili, “Vaz-2104” markalı maşınla toqquşub. Qəza nəticəsində “Vaz-2104” markalı maşının sürücüsü Lənkəran rayonunun Gərmətük qəsəbə sakini 1976-cı il təvəllüdlü Natiq Mirzəbaba oğlu Abbasov müxtəlif dərəcəli bədən xəsarətləri alaraq Lənkəran rayon Mərkəzi Xəstəxanasının Təcili yardım şöbəsinə hospitalizasiya olunub.
Faktla bağlı araşdırma aparılır.
