Macarıstanın Baş naziri Viktor Orban tviter hesabında İsveç və Finlandiyanın NATO-ya qoşulmasını dəstəklədiyini bildirib.

KONKRET.az “Kommersant”a istinadən xəbər verir ki, Macarıstan və Türkiyə alyansın genişlənməsini ratifikasiya etməmiş son iki ölkədir.

Orban bildirib ki, İsveç və Finlandiyanın NATO-ya üzvlüyünün ratifikasiyası məsələsi artıq ölkə parlamentinin 2023-cü ildə keçiriləcək ilk iclasının gündəliyinə daxil edilib.

Məlumata görə, Polşanın Baş naziri Mateuş Moravetski Viktor Orbandan İsveç və Finlandiyanın NATO-ya üzvlüyü ilə bağlı sazişlərin ratifikasiya edilməsini xahiş edib.

Qeyd olunub ki, Türkiyə çox güman ki, ilin sonuna qədər İsveçin alyansa qəbulu ilə bağlı ərizəni imzalamayacaq.

İqbal Rzayev,

KONKRET.az