Maliyyəçi lord Yakob Rotşild 87 yaşında vəfat edib.

KONKRET.az “Bloomberg”-ə istinadən xəbər verir ki, bu barədə Rotşild ailəsi məlumat yayıb.

Məlumata görə, Yakob Rotşild yəhudi adətlərinə uyğun dəfn olunacaq. Mərasim dar bir ailə içində baş tutacaq. Daha sonra isə xatirə abidəsi qoyulacaq.

Qeyd edək ki, Yakob Rotşild 1936-cı ildə anadan olub. 1959-cu ildə ailə biznesinə qoşularaq, 1963-cü ildə NM Rothschild & Sons in New Court şirkətinin ortağı olub.

2003-cü ilin noyabrından 2008-ci ildə təqaüdə çıxana qədər Baron BSkyB Televiziyasının sədr müavini və 2008-ci ilə qədər RHJ International-ın direktoru olub.

Yakob Rotşild Britaniyada incəsənət xeyriyyəçiliyində mühüm rol oynamışdır. O, 1985-1991-ci illərdə Milli Qalereyanın qəyyumlar şurasının sədri olub.

Ariz Həsənoğlu,

KONKRET.az