“Meta” istifadəçilərin şəxsi məlumatlarını ABŞ-a ötürdüyünə görə, İrlandiya Məlumatların Mühafizəsi Komissiyası tərəfindən 1,2 milyard avro cərimələnib.
KONKRET.az xarici KİV-ə istinadən xəbər verir ki, bu barədə Avropa Məlumatların Mühafizəsi Şurası öz saytında məlumat yayıb.
Bildirilib ki, bu, Aİ-nin məxfilik qaydalarına əməl edilməməsinə görə ən böyük cərimədir.
Məlumata görə, “Meta” qərardan apellyasiya şikayəti verəcək və icranın dayandırılmasını tələb edəcək.
Qeyd edək ki, 2022-ci ilin noyabrında İrlandiya tənzimləyicisi Aİ məxfilik qaydalarını pozduğuna görə “Meta”nı 265 milyon avro cərimələyib. Aİ qanunlarına əsasən, məxfilik tənzimləyiciləri ciddi pozuntulara görə şirkətlərə illik gəlirinin 4%-ə qədər cərimə tətbiq etmək səlahiyyətinə malikdir.
İqbal Rzayev,
KONKRET.az