Mossad sosial şəbəkələrdə iranlı generalları trollayır.

KONKRET.az xəbər verir ki, bu barədə “Bild” nəşri məlumat yayıb.

Bildirilir ki, yüksək rütbəli iranlı komandirləri sıradan çıxarmaqla tanınan İsrail kəşfiyyatı indi X sosial şəbəkəsində hərbçiləri və diplomatları lağ obyektinə çevirib. Adətən, səs-küylü olan Mossad qəfildən aktivləşib və fars dilində yazılar dərc etməyə başlayıb.

Mossad Farsi hesabının əslində kəşfiyyat agentliyinə aid olduğuna dair heç bir rəsmi təsdiq yoxdur. Bununla belə, İsrail mediası onun həqiqiliyinə əmindir.

Əvvəlcə hesabda iranlılar üçün tibbi məsləhətlər verilirdi. Daha sonra generallar Məhəmməd Pakpur, Əbdülrəhim Musəvi və keçmiş xarici işlər naziri Abbas Araqçını ələ salmağa başlayıblar.

Beləliklə, kəşfiyyat qurumu təkcə internetdə deyil, İran elitasını yaxından izlədiyini göstərir. Yada salaq ki, Musəvinin sələfi general Məhəmməd Baqiri 12 günlük müharibənin ilk günündə İsrail tərəfindən məhv edilib.

Mossad adi iranlılara tövsiyə də edib:

“Hörmətli iranlılar, nəşrlərimizi oxumağa davam edə bilərsiniz, lakin lütfən abunə olun. Bu sizin təhlükəsizliyiniz üçündür. Biz vacib xəbərləri paylaşmağa davam edəcəyik”.

Müşahidəçilər hesab edirlər ki, bu cür davranış İran rəhbərliyi daxilində parçalanmaya səbəb ola bilər. İranda baş verən son münaqişədən sonra casus sayı artıb və hakimiyyət vətəndaşları hər hansı “şübhəli” şəxslər barədə məlumat verməyə çağırır. Bu vəziyyətdə hətta X-də Mossad Farsi-yə təsadüfən abunə olmaq ciddi nəticələrə gətirib çıxara bilər.

Müşviq Tofiqoğlu

KONKRET.az