Müharibə nəticəsində Ukrayna ekologiyasına 3 trilyon qrivna (təxminən 76 milyard dollar) dəyərində ziyan dəyib.

KONKRET.az “İnterfaks–Ukrayna”ya istinadən xəbər verir ki, bu barədə Ukraynanın ətraf mühitin mühafizəsi və təbii sərvətlər naziri Ruslan Strelets bildirib.

Onun sözlərinə görə, Ukrayna bəzi təbii ehtiyatlarını həmişəlik itirir.

“Biz artıq itkiləri hesablamışıq. 3 trilyon qrivna dəyərində ətraf mühitə ziyan dəyib. Demək olar ki, 3 milyon hektar meşə sahəsi məhv edilib ki, bu da Ukraynanın meşə ərazilərinin üçdə birini təşkil edir. 500 min hektar ərazi hazırda işğal altında və ya müharibə zonasındadır”, – deyə nazir bildirib.

İqbal Rzayev,

KONKRET.az