“Problemlər çoxdur və onların qayğısını çəkmək, enerji işlətmək lazımdır. Hərdən ümidlə gəlirsən, amma gedişatda görürsən ki, bir-bir puç olur. Amma indi tumurcuq var. Musiqidə mədəniyyət problemi görürəm”.

KONKRET.az xəbər verir ki, bu sözləri Axşam.az-a açıqlamasında Xalq artisti Flora Kərimova deyib. Müğənni musiqidən söz açıb:
“Ən birinci musiqiçinin, ifaçının intellektini görmək istəyirəm. Peşən yoxdursa, ümumiyyətlə, bu sənətə yaxın durma. Çünki səndən sonra qeyri-peşəkarlar yaranır. Onların öhdəsindən gəlmək mümkün olmur. Bir var səhnədə özünə hörmət edəsən, biri də var səhnəni, musiqini özündə hörmət edəsən. Səhnəyə çıxanda ən əvvəl özümüzü düşünməliyik”.