“Ermənistanla Azərbaycan arasında imzalanmaq üçün hazırlanan sənədi sülh müqaviləsi hesab etmək olmaz, bu, sadəcə olaraq müəyyən məsələlər üzrə tərəflər arasında razılaşmadır”.

KONKRET.az xəbər verir ki, bunu “Ermənistan” müxalifət blokundan olan deputat Qeqam Nazaryan deyib.

Deputat hesab edir ki, sənədin tezliklə imzalanacağına inanmır: “Mən əminəm ki, bu müqavilə və ya saziş 2024-cü ildə imzalanmayacaq. Müəyyən bir məsələ ilə bağlı mübahisələr səbəb kimi seçiləcək. Aydındır ki, Azərbaycan tərəfi sadəcə olaraq Ermənistanla heç bir sənəd imzalamaq istəmir, ona görə də ya tamamilə qəbuledilməz olan, ya da ən azı əlavə müzakirələr tələb edən məqamların daxil edilməsini təklif edir. Bu, prosesin gecikməsinə səbəb olacaq. İmzalanma prosesinin ləngiməsinin digər səbəbi Azərbaycanda gözlənilmədən elan edilən növbədənkənar prezident seçkiləri olacaq. Sonra zəng edəcəklər ki, ilin sonuna kimi Rusiyada, sonra ABŞ-da seçki proseslərinin başa çatmasını gözləsinlər. Düşünürəm ki, 2024-cü il məhz bu məntiqlə davam edəcək”, – Nazaryan 24TV-nin efirində bildirib.

Deputata görə, hazırkı danışıqlar prosesi “insanları məşğul saxlamaq” üçün hazırlanmış imitasiyadır. Əslində, sülh müqaviləsinin mətni yoxdur. “Mətn yoxdur, amma insanları məşğul edirlər. Bir il onları bu şəkildə yayındırdılar – Qarabağı təslim etdilər. İndi onlar eyni istiqamətdə daha bir il vaxt uzadacaqlar”, – deyə Nazaryan bildirib.

Natiq Səlim,

KONKRET.az