“Dövlət hesabına oxuyan 100-ə yaxın tələbə həssas qrupa aid olan tələbənin təhsil haqlarının ödənilməsi imtiyazından yararlanmaq üçün müraciət edib”.

Bu barədə məlumatı Təhsil nazirinin müşaviri Elnur Məmmədov verib.

O bildirib ki, elektron müraciətlər zamanı bir neçə xarakterik çətinliyə rast gəlmək mümkündür:

“Tələbə məntiqlə qərar verməlidir ki, ödənişsiz oxuduğu təqdirdə nə üçün belə bir imtiyazdan yararlanmaq üçün müraciət edir?

Bundan başqa, qərara əsasən bu, əyani tələbələrə aiddir, ancaq qiyabi tələbələr də müraciət edir”.

Qeyd edək ki, Nazirlər Kabinetinin “Sosial baxımdan həssas əhali qrupuna aid edilən ailələrin üzvü olan tələbələrin təhsil haqqı xərclərinin ödənilməsi barədə” qərarı 20 mindən artıq tələbəni əhatə edəcək.