İsrailin baş naziri Benyamin Netanyahu bildirib ki, yeni hazırlanmış hücum planı Qəzza zolağında hərbi münaqişəni ən qısa müddətdə başa çatdırmağa imkan verəcək.

“Yeni hücum planını kifayət qədər tez başa çatdırmağı düşünürəm. Mən müharibəni uzatmaq istəmirəm, onu bitirmək istəyirəm”, – deyə Netanyahu vurğulayıb.

KONKRET.az xəbər verir ki, o, yerüstü əməliyyatın müharibəni başa çatdırmağın “ən yaxşı yolu” olduğunu əlavə edib.

Baş nazirin sözlərinə görə, İsrail Qəzzaya təxminən 2 milyon ton humanitar yardım buraxıb: “İki illik müharibədən sonra əgər aclıq siyasəti tətbiq etsəydik, Qəzzada heç kim sağ qalmazdı. Bizim siyasətimiz tam əksinə olub,” – deyə o qeyd edib.