“Hörümçək toru” əməliyyatı zamanı Ukrayna PUA-ları tərəfindən vurulan təyyarələrin yarısını bərpa etmək mümkün deyil.

KONKRET.az xəbər verir ki, bunu Ukrayna lideri Volodimir Zelenski deyib.

O brifinqdə bildirib ki, Ukrayna Rusiyanı, onların aviasiyasını, bombardmanlarını dayandırmaq və Moskvanın hərbi potensialını azaltmaq üçün hər cür səy göstərir.

O, əlavə edib ki, “Hörümçək toru” əməliyyatında iştirak edən Ukrayna əsgərlərini məxfi fərmanla mükafatlandırıb.

“Onların yarısını bərpa etmək mümkün deyil, bəzilərinin bərpasıisə illər çəkəcək. Həqiqətən də, ədalətli hərbi məqsəd idi”, – Zelenski vurğulayıb.

Müşviq Tofiqoğlu

KONKRET.az