“Ermənistanın baş naziri Nikol Paşinyan dekabrda Sankt-Peterburqda Müstəqil Dövlətlər Birliyi (MDB) və Avrasiya İqtisadi İttifaqının (Aİİ) sammitlərində iştirak etməyi planlaşdırır”.

KONKRET.az xarici KİV-ə istinadən xəbər verir ki, bunu Rusiya liderinin köməkçisi Yuri Uşakov jurnalistlərə açıqlamasında deyib.

O, əmin olduğunu bildirib ki, Paşinyan Sankt-Peterburqa gələcək:

“MDB ölkələrinin liderlərinin qeyri-rəsmi və Aİİ-nin isə rəsmi görüşü olacaq. Bizdən sonra sədrlik Ermənistana təhvil verilməlidir. Ona görə də hesab edirəm ki inanıram ki, Baş nazir Nikol Paşinyan  Vladimir Vladimiroviç Putindən estafeti götürmək üçün Sankt-Peterburqa gələcək”, deyə Uşakov jurnalistlərə bildirib.

Bundan əlavə, jurnalistlərin Rusiya liderinin Ermənistana gedəcəyi ilə bağlı sualını isə Uşakov “Bəlkə bir gün” deyə cavab verib.

Günel Mikayılova,

KONKRET.az