İndoneziyada 74 yaşlı qadın pitonun hücumuna məruz qalıb.

KONKRET.az xəbər verir ki, bu barədə CBS News yazıb.

Maqa adlı yaşlı qadın çərşənbə günü, avqustun 14-də yoxa çıxıb. Yaxınları axtarışa başlayıb və sonda başında və ayaqlarında dişləmə izləri olan meyit tapıblar. Yaxınlıqda dörd metrlik ilan uzanmışdı.

Hadisə şahidləri iddia edirlər ki, piton bədəni çiyinlərinə qədər udsa da, öhdəsindən gələ bilməyib və ovunu qusub. Onun ikinci cəhd etməyə vaxtı olmayıb. Yerli sakinlər onu öldürüblər.

İyun ayından bəri İndoneziyada insanlara üç ölümcül piton hücumu qeydə alınıb.

Torlu pitonlara İndoneziyada rast gəlinir və dünyanın ən böyük ilanları hesab olunur. Onların uzunluğu yeddi metrdən çox ola bilər. İlanlar pusqudan hücum edir, qurbanı ətrafına sarır və nəfəsi dayanana qədər sıxır, sonra isə bütövlükdə udur.

Rəsmiyyə Şərifova,
KONKRET.az