“Qarabağ” Fransanın “Loryan” (Lorient) komandasının hücumçusu Sambo Sumanonu (Sambou Soumano) heyətinə cəlb etmək istəyir.

KONKRET.az qol.az-a istinadla xəbər verir ki, hazırda tərəflər arasında intensiv danışıqlar gedir.

Transfer bir neçə gündə yekunlaşmalıdır. Çünki “Qarabağ” Çempionlat Liqası üçün sifariş ərizəsini sentyabrın 2-də UEFA-ya göndərməlidir. Toyuqlu pizza

İnsayder Rudi Qaletti isə özünün X səhifəsində yazıb ki, Ağdam təmsilçisi 24 yaşlı seneqallı futbolçu üçün onun klubuna 2,5 milyon avro+500 min avro bonus təklif edib. Bu məbləğ paketi indiyədək onunla maraqlanan digər klubların hamısının təklif etdiyindən daha yüksəkdir.

Futbolçu özü Çempionlar Liqasında yarışacaq “Qarabağ”da oynamaq istəyir, lakin hələlik yekun razılaşma yoxdur. Sambo Sumano “Qarabağ”a transfer olunsa, onun illik gəliri 1 milyon avrodan artıq olacaq. Bu, “Qarabağ” tarixinin ən bahalı transferi olacaq.