Qazaxıstan hökuməti altı ay müddətinə respublika ərazisindən avtomobil nəqliyyatı ilə kömür ixracına qadağa qoymaq qərarına gəlib.

KONKRET.az TASS-a istinadən xəbər verir ki, bu barədə Ticarət və İnteqrasiya Nazirliyinin mətbuat xidməti məlumat yayıb.

“Qazaxıstan Respublikası ərazisindən avtomobil nəqliyyatı ilə kömür və linyitin (kömür növü) ixracına altı ay müddətinə müvəqqəti qadağa qoyulması barədə qərar qəbul edilib”, – mesajda deyilir.

Qərarın səbəbləri açıqlanmayıb.

Bundan əlavə, Qazaxıstan ərazisindən diri mal-qara ixracı üçün kvota altı ay uzadılıb.

İqbal Rzayev,

KONKRET.az