Qazaxıstan rekord həcmdə birbaşa xarici investisiya cəlb edib.
KONKRET.az xəbər verir ki, bu barədə hökumətin mətbuat xidməti məlumat yayıb.
Bildirilib ki, 2022-ci ilin sonunda Qazaxıstana birbaşa xarici investisiyaların ümumi axını 28 milyard dollar təşkil edib ki, bu da 2021-ci illə müqayisədə (23,8 milyard dollar) 17,7 faiz çoxdur. Bu, son 10 ildə rekord göstəricidir, 2012-ci ildə BXİ 28,9 milyard dollar olub.
Belə ki, hökumətin və regional akimatların son bir ildə gördüyü işlər sayəsində 2026-cı ilə qədər İnvestisiya Siyasəti Konsepsiyasının aralıq hədəf göstəriciləri 14,3 faiz (plan 24 milyard dollar) artıqlaması ilə yerinə yetirilib.
İnvestisiyaların həcminə görə respublikada lider öklələr bunlardır:
Niderland – 8,33 milyard dollar (19,7 faiz artım)
ABŞ – 5,1 milyard dollar (+81,9 faiz),
İsveçrə – 2,8 milyard dollar (+2,4 faiz),
Belçika – 1,56 milyard dollar (+46 faiz),
Rusiya – 1,52 milyard dollar (-19,7 faiz),
Cənubi Koreya – 1,48 milyard dollar (+84,8 faiz),
Çin – 1,43 milyard dollar (-22,5 faiz),
Fransa – 770,2 milyon dollar (+27,4 faiz),
Böyük Britaniya – 661 milyon dollar (-35,7 faiz),
Almaniya – 469,5 milyon dollar (+45,4 faiz).
Sənaye kontekstində ən böyük investisiyalar aşağıdakılara yönəldilib:
Mədən sənayesi – 12,1 milyard dollar (+25 faiz).
Emal sənayesi – 5,6 milyard dollar (+3 faiz).
Topdan və pərakəndə ticarət – 5,08 milyard dollar (+36 faiz).
Peşə, elmi və texniki fəaliyyət – 1,1 milyard dollar (2,1 dəfə artım).
Nəqliyyat və anbar – 1,1 milyard dollar (+14 faiz).
Tikinti – 698 milyon dollar (-3 faiz).
Maliyyə və sığorta fəaliyyəti – 650 milyon dollar (-60 faiz).
Elektrik enerjisi və qaz təchizatı – 635,6 milyon dollar (2,8 dəfə artım).
Regionlar arasında xarici kapitalın cəlb edilməsində ən fəal vilayət:
Atırau vilayəti – 8,2 milyard dollar (+48 faiz),
Almatı – 7,57 milyard dollar (+11 faiz),
Astana – 2,25 milyard dollar (2 dəfə artım),
Almatı vilayəti – 698,2 milyon dollar (+47 faiz),
Akmola vilayəti – 376,3 milyon dollar (6,3 dəfə artım),
Qızılorda vilayəti – 336,5 milyon dollar (+36 faiz),
Jambil vilayəti – 62 milyon dollar (3 dəfə artım).
İqbal Rzayev,
KONKRET.az