“Hökumət məğlubiyyətə görə məsuliyyəti öz üzərinə götürməli və onu cəmiyyətə, orduya, vətəndaşlara verməyə çalışmamalıdır”.

KONKRET.az xəbər verir ki, bunu “İşıqlı Ermənistan” fraksiyasının deputatı Gevorq Qorgisyan deyib.

O, hakim “Mənim addımım” fraksiyasının deputatlarını və Baş nazir Nikol Paşinyanı məsuliyyətsizlikdə ittiham edib:

“Cəmiyyət məğlub lideri görməyə və qəbul etməyə hazır deyil. Parlamentin iclaslarında heç bir şey olmamış kimi bir tonda danışırsınız. Məsuliyyəti üzərinizə götürmək üçün güc tapın və məğlubiyyətin simvoluna çevrilən baş naziri istefaya çağırın”. – deputat qeyd edib.