Rusiya Federasiyasının Saratov vilayətinin qubernatoru Roman Busarqinin 16 yaşlı oğlu Saratovda avtomobil qəzası nəticəsində ölüb.

KONKRET.az gazeta.ru-ya istinadən xəbər verir ki, onuncu sinif şagirdi “Lada Granta”nın sərnişin oturacağında əyləşib.

Sokolova küçəsində minik avtomobili yolun kənarında dayanan yük maşınına çırpılıb. Azyaşlı ilə birlikdə “Granta”nın 20 yaşlı sürücüsü də dünyasını dəyişib.

Prokurorluq bildirir ki, “Lada Granta”nın sürücüsü idarəetməni itirərək “Man” markalı yük maşını ilə toqquşub.