Azərbaycanın karate üzrə 5 qat dünya və 11 qat Avropa çempionu Rafael Ağayev peşəkarların mübarizə apardığı “Karate Combat”da ikinci döyüşünü keçirib.

KONKRET.az-ın məlumatına görə, titullu idmançı Macarıstan təmsilçisi Jolt Habda ilə qarşılaşıb. Görüş Ağayevin qələbəsi ilə başa çatıb.

Qeyd edək ki, Rafael Ağayev ilk dəfə 2018-ci ildə “Karate Combat” turnirində çıxış edib. O, həmin vaxt Dominikan karateçisi Dionisio Qustavo ilə döyüşüb və qalib gəlib.