2022-ci ildə “Rolls–Royce Motor Cars” tərəfindən satılan premium avtomobillərin sayı 6000-ə çatıb.

KONKRET.az “Gulf News“a istinadən xəbər verir ki, bu barədə şirkətin baş direktoru Torsten Müller-Ötvös bildirib.

“12 ayda ilk dəfə olaraq müştərilərə 6000-dən çox avtomobil təhvil verdik. Bütün model diapazonu üçün sabit tələbat saxlanıldı”, – o deyib.

Onun sözlərinə görə, 2021-ci illə müqayisədə tədarüklərin həcmi 8% artıb və əsas ixrac bazarları ABŞ, Avropa və Çin olub.

Qeyd edək ki, “Rolls–Royce Motor Cars” 1973-cü ildə “Rolls-Royce Limited”dən ayrılıb. Şirkət 1998-ci ildə “BMW” tərəfindən alınıb ​​və onun bölməsinə çevrilib.

İqbal Rzayev,

KONKRET.az