Rumıniya Hərbi Hava Qüvvələri ölkənin hava məkanı üzərində pilotsuz uçuş aparatları vurub.

KONKRET.az xəbər verir ki, iki F-16 qırıcı təyyarəsi Feteşti aviabazasından təhlükəyə cavab vermək üçün qalxıb.

Dronların İran istehsalı olan və hazırda Rusiya ordusunun Ukraynaya qarşı geniş şəkildə istifadə etdiyi “Şahed” PUA-ları olduğu bildirilir.

Xatırladaq ki, sentyabrın 10-da Polşa Rusiya PUA-larının Ukraynaya qarşı genişmiqyaslı hücum zamanı ölkənin hava məkanını pozduğunu açıqlamış və onların zərərsizləşdirildiyini bildirmişdi.