Moskva rəhbərliyi şəhərdə dronların uçuşlarına qadağa qoyub.

KONKRET.az Rusiya mediasına istinadən xəbər verir ki, bu barədə paytaxt meriyası məlumat yayıb.

Bildirilib ki, müvafiq protokol Moskvanın operativ qərargahının iclası zamanı imzalanıb:

“İmzalanan sənəd pilotsuz uçuş aparatlarının (PUA) şəhər üzərində uçuşlarına icazənin verilməsi qaydasını tənzimləyir. İndi belə icazələrin yalnız dövlət ehtiyacları üçün verilməsi nəzərdə tutulur”, – məlumatda deyilir.

Bundan əlavə, iclas çərçivəsində qeyri-qanuni dron uçuşlarının qarşısının alınması, hava məkanından istifadə qaydalarının pozulmasına görə vətəndaşların və təşkilatların inzibati məsuliyyətə cəlb edilməsi barədə qərar qəbul edilib.

İqbal Rzayev,

KONKRET.az