Son üç ildə Rusiyada dəfn xidməti sektorunda təsəvvüredilməz bum yaşanır. Məsələn, bu ilin yanvar-aprel aylarında dəfn şirkətləri 39.5 milyard rubl qazanıblar ki, bu da ötən ilin eyni dövrü ilə müqayisədə 12.7 faiz çoxdur.

KONKRET.az xəbər verir ki, bu sözləri politoloq Xaqani Cəfərli bildirib.

O xatırladıb ki, Rusiyanın neft şirkətlərinin gəlirləri ötən illə müqayisədə yarıbayarı azalıb, qaz və kömür sənayesi zərərlə işləyir:

“Dəfn xidməti ilə məşğul olan şirkətlərin gəlirləri son üç ildə yüksələn xətlə artır. Qəbir qazmaq Rusiyada ən gəlirli peşələrdən birinə çevrilib. Bütün bunlar Rusiyanı qaçılmaz çöküşə və parçalanmaya doğru aparır”.