Rusiyada hərbi çağırış yaşının qaldırılması ilə bağlı qanun layihəsi parlamentə təqdim olunub.

KONKRET.az xəbər verir ki, Dövlət Dumasına təqdim olunan yeni qanun layihəsində çağırış yaşının 18-27 yaşdan 21-30 yaşa qaldırılması öz əksini tapıb.

Qeyd edək ki, Rusiyada hərbi çağırış yaşının qaldırılması təklifi ilə Rusiya Müdafiə Nazirliyi çıxış edib.

Yeni qanun layihəsində çağırış yaşının mərhələli şəkildə qaldırılması nəzərdə tutulub. Belə ki, 2024-cü ildə çağırış yaşı 19 yaşdan 30 yaşa, 2025-ci ildə 20 yaşdan 30 yaşa, 2026-cı il yanvarın 1-dən 21 yaşdan 30 yaşa qədər olacaq.