Yekaterinburqdan Dubaya uçan Ural Hava Yollarına məxsus təyyarə sərnişinin özünü pis hiss etməsi səbəbindən uçuş hava limanına qayıdıb.

KONKRET.az xəbər verir ki, bu barədə aviaşirkətin mətbuat xidməti məlumat yayıb.

“Yekaterinburq – Dubay (Əl-Maktum) marşrutu üzrə U6-737 reysini həyata keçirən “Airbus A320″ qadın sərnişinin səhhətinin pis olması səbəbindən 1 saat 10 dəqiqədən sonra Koltsovoya qayıdıb”, – deyə məlumatda bildirilir.

Qadın həkimlərin tövsiyəsi ilə uçuşdan çıxarılıb, təyyarə yenidən uçuşa hazırlaşır.