“Rusiya Azərbaycan və Ermənistanın ATƏT-in Minsk Qrupunun buraxılması ilə bağlı birgə qərarını dəstəkləyir”.

KONKRET.az globalinfo-ya istinadən xəbər verir ki, bunu “RBC”yə Rusiyanın ATƏT-dəki daimi nümayəndəsi Aleksandr Lukaşeviç deyib.

O, qrupun nəhayət 2025-ci ilin dekabrınadək buraxılmasının planlaşdırıldığını bildirib.

“Tərəflərin mövqeyini nəzərə alaraq, qurumun ləğvinin qarşısını almaq üçün heç bir səbəb görmürük. ATƏT-in Daimi Şurası təşkilat üzvlərinə nazirlərin bu məsələ ilə bağlı qərarına “sakit razılıq” verməyi təklif edib. Sentyabrın 1-dək Minsk Qrupunun buraxılmasına heç kim etiraz etməsə, qərar qəbul edilmiş sayılacaq. Nəzərə almaq lazımdır ki, bu qərarın icrası ilə bağlı inzibati və maliyyə tədbirlərinin həyata keçirilməsi bir neçə ay çəkəcək. ATƏT onları bu ilin dekabrından gec olmayaraq başa çatdırmağı planlaşdırır”, – deyə Rusiyanın daimi nümayəndəsi əlavə edib.

Qeyd edək ki, Azərbaycan xarici işlər naziri Ceyhun Bayramovun sözlərinə görə, Minsk Qrupunun ləğvi barədə 1 sentyabrda qərarın qəbulu gözlənilir. Təşkilatdan ATƏT-in Minsk qrupunun sentyabrın 1-də ləğvi ilə bağlı qərar layihəsi təsdiq üçün iştirakçı dövlətlərə təqdim edildiyi bildirilib.

Xatırladaq ki, ATƏT-in Minsk qrupunun tərkibinə həmsədr ölkələr – ABŞ, Fransa və Rusiya daxildir.