Koma vəziyyətində olan rusiyalı turist Türkiyə xəstəxanalarından birində girov saxlanılır.
KONKRET.az xəbər verir ki, rusiyalı turist ailəsi təcili əməliyyat üçün borcunu ödəməyənə qədər Türkiyədən vətənə qayıda bilməz.
Təqaüdçü iyunun 22-də nəvələri ilə birlikdə Tümendən Antalyaya uçub və oteldə qaldığı beşinci gündə infarkt keçirib. 62 yaşlı qadın xəstəxanaya yerləşdirilib və yaxınlarına bildirilib ki, xərcləri zərərçəkənin sığortası ödəyəcək.
Turistin ailəsi onun müalicəsini orada davam etdirmək üçün onu Moskvaya aparmağa razılaşıb. Ancaq rus qadının vəziyyəti qəflətən pisləşib və onun ürəyində cərrahiyyə əməliyyatına ehtiyac duyulub. Bunun üçün xəstənin yaxınlarından 20 min dollar tələb edilir.
Artıq qohumlar məbləğin bir hissəsini ödəyiblər, lakin xəstəxana hesab tamamilə bağlanana qədər xəstəni buraxmaqdan imtina edir. Üstəlik, bir xəstəxanada hər gün min dollar xərclənir. Sığorta şirkəti hadisəni sığortalı kimi tanımaqdan imtina ediv və tibb müəssisəsinə borcun yalnız 5% -ni ödəməyə razı olub. Eyni zamanda, türkiyəli həkimlər qadını tam müalicə edə bilmədiklərini və indi sadəcə onun həyatını təmin etdiklərini iddia edirlər.
Rəsmiyyə Şərifova,
KONKRET.az