Salyanda məktəblərin birində pulu itən müəllimin şagirdin çantasını yoxlaması barədə məlumat yayılıb.

KONKRET.az xəbər verir ki,Şirvan-Salyan Regional Təhsil İdarəsi məsələyə izah gətirib.

Hadisə Əliağa Kürçaylı adına 7 nömrəli Texniki və təbiət fənləri təmayüllü liseydə kimya müəllimi ilə 10-cu sinif şagirdi arasında baş verib.

Müəllim çantasında olan pul vəsaitinin oğurlandığını güman edərək onun pulqabısını yoxlayıb. Bundan xəbər tutan valideyn məktəbə gələrək etirazını bildirib.

“Təhsilverənlərin etik davranış qaydaları”nı pozduğuna, dərs prosesində buraxdığı nöqsana görə məktəbin Pedaqoji Şurası müəllim barəsində intizam tənbeh tədbiri görülüb.