Gəncə şəhərində keçmiş məhkumdan “Makarov” markalı tapança götürülüb.
KONKRET.az DİN-ə istinadən xəbər verir ki, şəhər sakini, əvvəllər məhkum olunmuş R.Əliyevin idarə etdiyi “Mercedes” markalı avtomobilə baxış zamanı oradan nömrəsi silinmiş “Makarov” markalı tapança və 4 ədəd patron aşkar edilib.
Göygöl rayonunda isə Gəncə şəhər sakini, əvvəllər məhkum olunmuş M.Məmmədovdan “Naqan” markalı tapança və 4 ədəd patron aşkar edilərək götürülüb.