Bir çox media platformasında Rusiyanın Siyasi Araşdırmalar mərkəzinin rəhbəri, politoloq Sergey Markovun Azərbaycana köçməsi ilə bağlı “videomüraciəti” yayılıb. Belə ki, süni intellekt vasitəsilə hazırlandığı ehtimal edilən videoda politoloqun Bakıya köçdüyü və Azərbaycanın yaşamaq üçün Rusiyadan daha əlverişli olduğu ilə bağlı fikirlər öz əksini tapıb.

KONKRET.az bildirir ki, sözügedən videoda səsləndirilən iddialarla bağlı Bizim.Media-nın əməkdaşı Sergey Markova müraciət edib.

Politoloq hazırda Moskvada olduğunu bildirərək, sözügedən iddiaları təkzib etdi

“Bəs gələcəkdə Bakıda yaşamağı planlaşdırırsınızmı?” sualına cavab olaraq isə Markov “Moskvada yaşayacağam” cavabını verib.

Xatırladaq ki, avqustun 22-də Rusiya Ədliyyə Nazirliyi Markovu “xarici agentlər” reyestrinə daxil edib. Politoloq isə adının siyahıya salınmasından xəbərsiz olduğunu, bunun səhv ola biləcəyini açıqlamışdı.