İsveçin keçmiş müdafiə naziri və parlamentin müdafiə komitəsinin hazırkı sədri Peter Hultkvist Şimali Kalotta və Murmansk bölgəsini qorumaq üçün Norveç-Fin-İsveç birgə ordusunun yaradılmasının vacib olduğunu bildirib.

KONKRET.az xəbər verir ki, o, bu barədə cümə günü “Dagens Nyheter” qəzetində dərc olunan müsahibəsində bildirib.

O hesab edir ki, İsveç hərbçiləri Finlandiyanın Rusiya ilə sərhədinin müdafiəsində iştirak edə bilər:

“Bizim ümumi məsuliyyətimiz var. Bu, NATO-nun əsaslarından biridir. Skandinaviyada bizim bir-birimizə kömək etmək üçün xüsusi öhdəliyimiz var”.

Hultkvistin sözlərinə görə, İsveç artıq Finlandiya ilə birgə hərbi plana malikdir.

O qeyd edib ki, Rusiya hələ uzun müddət Qərb üçün ciddi problem olaraq qalacaq. Ukraynada vəziyyət nizamlanandan sonra da gərginlik aradan qalxmayacaq.

“Bizim NATO və Aİ-də yüksək birliyi olan hərbi qüvvəmiz olmalıdır”, – keçmiş müdafiə naziri deyib.

İqbal Rzayev,

KONKRET.az