nınmış jurnalist Ramilə Qurbanlı TƏBİB-in poliklinikalarda yaratdığı vəziyyətdən gileylənib. 

KONKRET.az Demokrat.az-a istinadən xəbər verir ki, jurnalist bu barədə sosial şəbəkədə qeyd edib:

“Uşağa sağlamlıq haqqında arayış almaq üçün 3 poliklinikaya 20 həkimə baş çəkməli oldum. Analiz verdik, göndərdilər ikinciyə ki, sistemə orda vurulmalıdır. Gedib orda həkimlərdən də keçməli idik, getdik, birindən keçdik, ikinci, üçüncü üçün dedilər üçüncü xəstəxanaya getməlisiniz.

İşdən 1 saatlıq icazə almışam, çünki uşaq özü o qədər məsafəni ictimai nəqliyyatla bir günə qət edə bilməz. Biri şəhərin bir başında, digəri o biri, üçüncü daha da uzaq. Bir sağlamlıq arayışı üçün daha nə qədər məsafə qət etməli, neçə kabinetə girməliyik? Biri deyir indi əlimdə işim var, günortadan sonra gəl, o biri ümumiyyətlə yerində yoxdur. Sahə poliklinikasına gedib, 20 manat verib bir dəqiqənin içində həll etdiyim vaxtlar üçün qəribsədim.  

Bu nə sistemdir yaratmısınız? Məqsədiniz nədir? Niyə öz poliklinikamızdan ala bilmirik bu arayışı? Niyə məzuniyyətdə olan həkimi əvəz edən yoxdur, biz niyə əziyyət çəkməliyik? Sistem niyə hər bir poliklinikanın özündə deyil? Uşaq qəbul alıb, getməlidir, vaxt dardır, amma günlərlə arayış arxasınca qaçmalıdır?”