Özbəkistanda universitet tələbələrinə ali məktəb rəhbərinin verdiyi arayış əsasında ikinci kursdan ixtisası üzrə asudə vaxtlarında işləməyə icazə verilə bilər.

KONKRET.az özbək mediasına istinadən xəbər verir ki, müvafiq sertifikat ali təhsil müəssisəsinin rektoru tərəfindən verilməlidir.

Qeyd edək ki, Nazirlər Kabinetinin müvafiq qərar layihəsi ictimai müzakirəyə çıxarılıb.

Məlumata görə, tələbələrə yalnız ali təhsil müəssisəsində təhsil alarkən attestat əsasında ixtisasları üzrə işləməyə icazə veriləcək.

Layihəyə əsasən, Ali Təhsil, Elm və İnnovasiyalar Nazirliyinə tapşırılıb ki, iki ay müddətində tələbələrə ixtisasları üzrə işləməyə imkan verən sertifikat nümunəsi hazırlanıb təsdiq edilsin.

İqbal Rzayev,

KONKRET.az