“Tramp yolu” layihəsinin həyata keçirilməsi Ermənistan, Azərbaycan və qonşu ölkələri birləşdirən boru kəmərlərinin, elektrik xətlərinin və rabitə kabellərinin çəkilməsi üçün şərait yaradır.

KONKRET.az axaraz-a istinadən xəbər verir ki, bunu Ermənistan parlamentinin spikeri Alen Simonyan deyib.

“Layihə təkcə dəmir yolu rabitəsinin inkişafını deyil, həm də Ermənistan, Azərbaycan və regionun digər ölkələri arasında yolların, boru kəmərlərinin, elektrik xətlərinin və rabitə kabellərinin çəkilməsi perspektivini nəzərdə tutur”, – o bildirib.

Erməni spiker qeyd edib ki, Ermənistan AB-nin Qara dəniz regionuna yeni strateji yanaşmasını alqışlayır:

“Bu regional sabitliyə, eləcə də qarşılıqlı faydalı əməkdaşlığa əlavə təkan verəcək”.