ABŞ-ın aparıcı avtomobil istehsalçısı “Ford” şirkəti Türkiyədə Avropanı akkumulyatorlarla təmin edəcək nəhəng zavod tikəcək.

KONKRET.az “Carscoops” nəşrinə istinadən xəbər verir ki, zavod “LG ​​Energy Solutions” və Türkiyənin “Koç Holding” şirkətləri ilə birgə inşa ediləcək.

Məlumata görə, artıq tərəfdaşlarla müqavilə imzalanıb.

Bildirilib ki, Ankaradan çox da uzaq olmayan Başkentdə yeni zavodun tikilməsi nəzərdə tutulur.

Avtomobil istehsalçısı bu ilin sonunda tikintiyə başlamağı, 2026-cı ildə isə dartma batareyaların istehsalını planlaşdırır.

İqbal Rzayev,

KONKRET.az